요한삼서 1장 쇼나

1. ¹ Mukuru, kuna Gayo anodikanwa, wandinoda ini pachokwadi.
2. ² Mudikanwi, ndinonyengetera pazvinhu zvese kuti ubudirire, uye ugwinye, semweya wako uchibudirira.
3. ³ Nokuti ndakafara zvikuru, hama padzakasvika ndokupupurira chokwadi chako, sezvaunofamba iwe muchokwadi.
4. ⁴ Handina mufaro unopfuura izvi, kuti ndinzwe vana vangu vachifamba muchokwadi.
5. ⁵ Mudikanwi, unoita nekutendeka zvese zvaunobata kuhama nekuvaeni,
6. ⁶ vakapupurira rudo rwako pamberi pekereke; uchaita zvakanaka kana ukavaperekedza zvakafanira Mwari.
7. ⁷ Nokuti nekuda kwezita rake vakabuda vasingagamuchiri chinhu kuvahedheni.
8. ⁸ Naizvozvo isu tinofanira kugamuchira vakadaro, kuti tigova vanobatsirana pachokwadi.
9. ⁹ Ndakanyorera kereke; asi Dhiotirefesi, anoda kuva wekutanga pakati pavo asingatigamuchiri.
10. ¹⁰ Naizvozvo, kana ndichiuya, ndicharangarira mabasa ake aanoita, achitiitira makuhwa nemashoko akaipa; uye asingagutsikani neizvozvo, kunyange iye amene haagamuchiri hama, uye anovadzivisa vanoda, nekudzinga mukereke.
11. ¹¹ Mudikanwi, usatevera chakaipa, asi chakanaka. Anoita chakanaka ndeanobva kuna Mwari; asi anoita zvakaipa, haana kuona Mwari.
12. ¹² Dhemetrio anopupurirwa zvakanaka nevese, uye nechokwadi pachacho; nesuwo tinopupura, nemwi munoziva kuti kupupura kwedu ndekwechokwadi.
13. ¹³ Ndakange ndine zvizhinji zvekunyora, asi handidi kukunyorera neingi nepeni;
14. ¹⁴ asi ndinovimba kukurumidza kukuona, titauriranewo muromo nemuromo. Rugare kwauri. Vadikanwi vanokukwazisa. Kwazisa vadikanwi nezita.