고린도전서 13장 월로프어 신약

1. ¹ Su fekkee ne damay wax làkki nit ñi ak yu malaaka yi sax, te boolewuma ci mbëggeel, duma dara lu dul ndënd muy riir, walla jóolóoli buy kandaŋ-kandaŋi.
2. ² Su ma yéglee wax ju tukkee ci Yàlla, ma xam lépp luy kumpa, ma yor xam-xam bépp te gëm Yàlla ba mana randal ay tund, fekk boolewuma ci mbëggeel, duma dara.
3. ³ Te it su ma doon sarxe li ma am lépp, di bàyyi ñu lakk sama yaram, ba rey ma, su ma ci boolewul mbëggeel, du ma jariñ dara.
4. ⁴ Ku bëgg dafay muñ te laabiir. Ku bëgg du iñaan, du kañu, du tiitaru,
5. ⁵ du def lu jekkadi, du wut njariñu boppam, du naqari deret, du ñaaw njort.
6. ⁶ Du bég ci lu awul yoon, waaye dina bég ci lépp luy jollil dëgg.
7. ⁷ Mbëggeel day baale lépp, am gëm ci lépp, yaakaar lépp, muñ lépp.
8. ⁸ Mbëggeel amul àpp. Ñiy wax ci kàddug Yàlla dinañu noppi, ñiy wax ay làkk dinañu ko bàyyi, ñiy xamle xam-xamu Yàlla wàcc.
9. ⁹ Xam-xam bi nu am des na, te ni nu jottalee xibaar bi nu Yàlla dénk des na.
10. ¹⁰ Waaye li mat, bu dikkee, li matul jóge fi.
11. ¹¹ Bi ma dee xale, dama doon wax ni xale, di dégge ni xale, di xalaate ni xale. Waaye bi ma doonee mag, bàyyi naa lu bokkoon cig ndaw.
12. ¹² Tey jii gis bu lëndëm lanuy gis, ni takkandeer ci seetu bu lëndëm; bu ëllëgee dinanu gis jaxran. Tey jii sama xam-xam des na; bu ëllëgee dinaa xam ba mat sëkk, ni ma Yàlla xame.
13. ¹³ Léegi nag ñett yii ñooy sax: ngëm, yaakaar, mbëggeel; te mbëggeel moo ci raw.