시편 115편 폰페이어

1. ¹ KAIDIN kit Ieowa, kaidin kit, pwe mar omui, kom kotiki ong waui, pweki omui kalangan o melel!
2. ² Menda men liki kan en inda: Ia arail Kot?
3. ³ Atail Kot kotikot nanlang, a kak kotin wia karos, me a kupura.
4. ⁴ Arail dikedik en ani kan, me wia kidar silper de kold, iei dodok en pa en aramas.
5. ⁵ Au arail mia, ap sasa lokaia, por en mas arail mia, ap sota kak kilang wasa;
6. ⁶ Salong arail mia, ap sota rong wasa; tum arail mia, ap sota ned wasa;
7. ⁷ Pa arail mia, ap sota kak koledi meakot; nä arail mia, ap sota kak alu; re sota kak lokaiaki kaping wor arail.
8. ⁸ Me kin wiada pukat, me dueta irail, o pil karos, me kin liki irail.
9. ⁹ A koe Israel, liki Ieowa; i sauas o pere parail.
10. ¹⁰ Komail, kadaudok en Aron, liki Ieowa, i sauas o pere parail.
11. ¹¹ Komail, me kin masak Ieowa, liki Ieowa, i sauas o pere parail.
12. ¹² Ieowa kotin kupura kitail er, o a pan kotin kapai kitail la; a pan kotin kapaida kadaudok en Israel, kapaida kadaudok en Aron;
13. ¹³ A pan kotin kapaida, me masak Ieowa, me tikitik o me laud akan.
14. ¹⁴ Ieowa en kotin kapai komail da kokolata, pein komail o noumail seri kan!
15. ¹⁵ Komail me kapaidar ren Ieowa, me kotin kapikadar lang o sappa.
16. ¹⁶ Lang me sapwilim en Ieowa, a sappa me a kotiki onger aramas akan.
17. ¹⁷ Me melar akan solar pan kapinga Ieowa, pil karos, me kodi wasan kaporemen;
18. ¹⁸ A kitail pan kapinga Ieowa sang met o kokolata. Aleluia!