시편 11편 폰페이어

  1. 1 I LIKI Ieowa, a menda komail indang ngen i: Piridalang pon omail nana dueta manpir amen?
  2. 2 Pwe kilang, me doo sang Kot akan kaonopadar kasik katieu o pwilikidi ar kanang en kasik katieu pon sal o, pwen rir kasikiedi me melel ni mongiong arail.
  3. 3 Pwe ma ur akan rongk pasang, da me aramas pung en wiada?
  4. 4 Ieowa kotikot nan tanpas a saraui, mol en Ieowa mimi nanlang, silang i kin mamasani sili, kil en silang i kin sosong aramas akan.
  5. 5 Ieowa kotin song me pung, ap kotin tataki me sapung o morsued.
  6. 6 A pan kotin kamoredi ong me doo sang Kot akan liol, o kisiniai, o swepel, o a pan katinge kin irail melimel.
  7. 7 Ieowa me pung o a kotin pok ong me pung. Silang i irerong ong me melel o.