시편 135편 폰페이어

1. ¹ KAPINGA mar en Ieowa, papan Ieowa, komail kapinga!
2. ² Komail me mi nan tanpas en Ieowa, nan pera moa en tanpas en atail Kot.
3. ³ Kapinga Ieowa, pwe Ieowa me kalangan; kauleki mar a, pwe i me mau.
4. ⁴ Pwe Ieowa kotin piladar Iakop, o Israel, pwen sapwilim a.
5. ⁵ Pwe i asa, Ieowa meid lapalap, o atail Kot me lapa sang kot akan karos.
6. ⁶ Karos me Ieowa kotin kupura, a kin wiada nanlang o pil ni sappa, nan madau o pased.
7. ⁷ A kin kotin wiai ong tapok kan, ren dauda sang ni imwin sappa, me kin kotin wiada liol o pil katau, me kin kotin kadarala kisiniang sang nan a pera kan.
8. ⁸ A kotin kamelar meseni kan nan Äkipten karos ren aramas o man akan.
9. ⁹ O kotikidang uk, Äkipten, kilel o manaman akan, ong Parao o na ladu kan karos.
10. ¹⁰ Me kotin kaloedi wein men liki kalaimun akan o kamelar nanmarki kelail akan.
11. ¹¹ Siion, nanmarki en Amon, o Ok, nanmarki en Pasan, o wei en Kanaan karos.
12. ¹² O kotiki ong sapwilim a men Israel sap arail, pwe ren sosoki.
13. ¹³ Ieowa, mar omui pan potopot eta; Maing Ieowa, kataman pa omui pan sang eu kainok lel eu.
14. ¹⁴ Pwe Ieowa pan kotin kapung sapwilim a aramas akan, o a pan kotin maki ong sapwilim a ladu kan.
15. ¹⁵ Dikedik en ani mal en men liki kan wiaui kida silper o kold, me pa en aramas wiadar.
16. ¹⁶ Au arail mia, ap sasa lokaia, por en mas arail mia, ap sota kak kilang wasa;
17. ¹⁷ Salong arail mia, ap sota kak rong wasa, pil sota ang mi nan au ar.
18. ¹⁸ Me kin wiada pukat me dueta irail, o pil karos, me kin liki irail.
19. ¹⁹ Kadaudok en Israel en kapinga Ieowa! Kadaudok en Aron en kapinga Ieowa.
20. ²⁰ Kadaudok en Lewi en kapinga Ieowa! Komail me masak Ieowa, en kapinga Ieowa!
21. ²¹ Kaping ong Ieowa sang nan Sion, me kotikot Ierusalem! Aleluia!