시편 137편 폰페이어

1. ¹ KIT momoder ni kailan pilap en Papel akan o sangesang, ni at tamanda Sion.
2. ² Kit langadar at arp akan nin tuka kan, me mi wasa o,
3. ³ Pwe me sali kit edi inda, sen kaul, o sen pereperen ni at mamaiei: Komail wiai ong kit kaul apot duen Sion.
4. ⁴ Iaduen at pan kak wiada kaul ong Ieowa nan sap en men wai?
5. ⁵ Ma i pan monoke uk ala Ierusalem, pa i pali maun ap pil pan monokinokla.
6. ⁶ Lo i pan pas ong pan ngatangat ai, ma i solar pan taman uk adar, ma i solar pan peren kida Ierusalem mon meakaros.
7. ⁷ Maing Ieowa, kom kotin tamanda en men Edom ar lokolokaia ni ran apwal en Ierusalem: Kawela, kawela lao lel ong nan pwel!
8. ⁸ Toun Papel, morsued koe, re meid pai, me pan wiai ong uk duen me koe wiadar!
9. ⁹ Meid pai ir, me pan koledi noum seri pwelel o kasuk pasang nin takai!