시편 21편 폰페이어

1. ¹ MAING Ieowa, nanmarki o kin peren kida omui manaman, o a polauleki melel omui sauasa i!
2. ² Kom kotiki ong i, me mongiong i inong iong, o kom sota kin sopeiwei sang, me kilin aua poekipoki. Sela.
3. ³ Pwe kom kin wudokedi ong poa me mau kan; kom kotin kalisorop kidi i nin kold kasampwal eu.
4. ⁴ A kin poeki re omui maur, komui ap kotiki ong i maur warai kokolata.
5. ⁵ A lingan me lapalap ki omui kotin sauasa i. Kom kin kotin kapwataki i manaman o lingan.
6. ⁶ Kom kotin kasapwilada i, pwen wia kamau men kokolata; kom kaperenda i mon silang omui.
7. ⁷ Pwe nanmarki kin liki Ieowa, o a pan dadaurata ki kalangan en me lapalapia.
8. ⁸ Lim omui pan diar omui imwintiti kan karos, o lim omui maun pan diar me kailong kin komui.
9. ⁹ Kom pan wia kin ir ala stop en kisiniai eu, ni omui pan kotin pwarado. Ieowa pan kotin kawe ir ala ni a ongiong, o kisiniai pan kang ir ala.
10. ¹⁰ Kom pan kotin karosela kadaudok arail sang nan sappa, o wa ’rail sang nan pung en aramas akan.
11. ¹¹ Pwe irail inau kidar, me re pan wia sued ong komui a re sota pan itar ong.
12. ¹² Pwe komui pan kotin kasaloe ir ada, pwe ren tang; kom pan kotin padok wong ir omui sal en kasik katieu.
13. ¹³ Maing kom kotida ni omui rosong kit ap kauleki o kapinga omui manaman.