시편 33편 폰페이어

1. ¹ KOMAIL me pung kan polauleki Ieowa, me lelapok kan en kapinga i.
2. ² Danke Ieowa o kapikapinga ki men kasang o kaule ki ong i sal en arp eisok.
3. ³ Kauleki ong i kaul kap pot, komail kanai ong arp o ngil!
4. ⁴ Pwe masan en Ieowa me inen o a wiawia kan karos melel.
5. ⁵ A kin kotin pok ong me pung o melel, sappa direki kalangan en Ieowa.
6. ⁶ Nanlang wiaui kida masan en Ieowa o audepan a karos ki ngen en silang i.
7. ⁷ A kotin kolekol pena pil en madau dueta nan dal eu, o a kotin nekidala ad akan nan wasa rir.
8. ⁸ Sappa karos en lan Ieowa o karos me kaukauson nan sappa en wauneki i.
9. ⁹ Pwe ma a kotin masanta, ap pan wiaui, o ma a kotin pangokada, ap pan miela.
10. ¹⁰ Ieowa kin kotin kawela kapung en men liki kan, o a kin kawukila madamadaua en wei kan.
11. ¹¹ A me Ieowa kileledier, pan duedueta, o me a kotin kupurada, pan kokolata.
12. ¹² Meid pai wei o, me Ieowa ar Kot, o wei, me a kotin piladang a soso.
13. ¹³ Ieowa kin kotin irerong aramas akan karos sang nanlang.
14. ¹⁴ A kotin irerong karos, me kauson sappa sang mol a tengeteng.
15. ¹⁵ A kotin wiadar mongiong arail karos, o a kotin mangi ar wiawia kan karos.
16. ¹⁶ Nanmarki amen sota pan pwai kida a karis toto, o ol komad amen sota pan dore kila a kelail.
17. ¹⁷ Os akan pil sota kak sauasa ekis o a kelail melel sota kadepa.
18. ¹⁸ Kilang, silang en Ieowa kin irerong ong me lan i, o me kaporoporeki a kalangan.
19. ¹⁹ Pwen kapit ir ala sang ni mela o katekatungole ni ansau en lek.
20. ²⁰ Ngen atail kin auiaui Ieowa, i me sauas patail o pere patail.
21. ²¹ Pwe mongiong atail kin peren kida i, pwe kitail kin liki mar a saraui.
22. ²² Maing, Ieowa, omui kalangan en mi po at duen at kaporoporeki komui.