시편 41편 폰페이어

1. ¹ MEID pai me kin apwali me samama o. Ieowa pan kotin dorela i ni ran apwal.
2. ² Ieowa pan kotin apwali i o sinsila a maur, o a pan pwaida nin sappa, o a sota pan mueidala i nan pa en a imwintiti kan.
3. ³ Ieowa pan kotin kakelada i ni a pan mela; kom kin kotin sauasa i ni a somau karos.
4. ⁴ Ngai inda: Maing, kom kotin maki ong ia; kakelada ngen i, pwe ngai wiadar dip ong komui.
5. ⁵ Ai imwintiti kan kin lokaia sued duen ngai. Iad a pan mela o mar a pan ririla?
6. ⁶ A kin kodon kilang ia, a kin lokelokaia, a mongiong a me toror, pwe a kin rapaki karepan a lalaue, ap kokowei lokelokaia due.
7. ⁷ Karos me kailong kin ia, kin lidilidumongin kin ia, o re madamadaua sued duen ngai.
8. ⁸ Me suedkot mi re a; a pupedier o solar pan uda.
9. ⁹ Pil kompoke pa i, me i liki, o me iang ia mangamanga, kin tiaki ia di.
10. ¹⁰ A komui Maing kotin maki ong ia, o kau ia da, i ap pan depuk ong ir.
11. ¹¹ I me i pan asaki, me kom kotin kupura ia, pwe ai imwintiti ender ngisingis kin ia.
12. ¹² A kom kin kolekol ia pweki ia lelapok, o kom pan kotin kasone ia di mon silang omui kokolata.
13. ¹³ Kapinga ong Ieowa, Kot en Israel sang met o kokolata! Amen. Amen.