시편 48편 폰페이어

1. ¹ IEOWA meid lapalap, o a indand mau melel nan kanim en atail Kot, pon sapwilim a dol saraui!
2. ² Meid kaselel en dol Sion a uda, me sap karos kin peren kida; ni pali apong kanim en nanamarki lapalap mimi ia.
3. ³ Toun im kalaimun akan asa Kot, me i pere parail.
4. ⁴ Pwe kilang, nanmarki kan pokon pena, ap daulul wei.
5. ⁵ Irail puriamui kila ni ar kilanger mepukat; irail masapwekadar o tanger.
6. ⁶ Irail rerer, o re masak dueta li pan naitik amen.
7. ⁷ Kom kin kotin kawela sop en Tarsis ki ang en mas en lang.
8. ⁸ Duen atail rongadar, iduen kitail kin kilangada nan kanim en Ieowa Sepaot, nan kanim en atail Kot; Kot kin kolekol i kokolata. Sela.
9. ⁹ Maing Kot se kin tamatamanda omui kalangan nan sapwilim ar tanpas im en kaudok.
10. ¹⁰ Maing Kot duen mar omui iduen wau omui lel ni imwin sappa; pali maun omui me dir en pung.
11. ¹¹ Dol en Sion en pereperen, o nain Iuda seripein ko en insenemauki omui kadeik kan.
12. ¹² Komail kaidong kapil pena Sion, wadok im teng kan;
13. ¹³ Kilekilang mau a kel takai kan, o kasakasaui a im kalaimun akan, pwe komail en kak kasoia ong men mur akan,
14. ¹⁴ Me Kot men et, pan atail Kot ansau karos kokolata. A pan kotin kalua kitail kokolata.