시편 57편 폰페이어

1. ¹ MAING Kot, kom kotin maki ong ia, maki ong ia! Pwe ngen i kin kaporoporeki komui, o pan mot en lim omui i wasan ai maur, lao ansau apwal daulier.
2. ² I likwir ong Kot, me lapalapia, ong Kot, me kotin kaimwisokala ai kankangeranger.
3. ³ A kotin poronedo sang nanlang sauas pa i ong me kanamenok ia, o me kin ngiringir ong ia. Sela. Kot pan kotin kadarado a kalangan o melel.
4. ⁴ Ngen i mi nan pung en laien akan, aramas rasong umpul en kisiniai; ngi arail rasong katieu o kanangan kasik katieu, o lo arail rasong kodlas kong o.
5. ⁵ Maing Kot, kom kotida ileila sang lang, o wau omui nan sappa karos.
6. ⁶ Irail insarai ia nan al ai kan; re kin katoutoui ngen i; re weirada mo i por eu, ap pein pupedi ong lole. Sela.
7. ⁷ Mongiong i insenemaular, Maing Kot, ngen i onoper ong kaul o kaping.
8. ⁸ Ngen i pirida! Kaul o arp pirida! I pan pirida nin soran.
9. ⁹ Ieowa, i men danke ong komui nan wei kan; i pan kauli ong komui nan pung en aramas akan.
10. ¹⁰ Pwe omui kalangan me laud dueta nanlang, o omui melel dueta tapok kan.
11. ¹¹ Maing Kot, kom kotida ileila sang lang, o wau omui lingan nan sappa karos.