시편 59편 폰페이어

1. ¹ AI Kot, kom kotin dore ia la sang ai imwintiti kan, o kotin pera sang ia mon me palian ia.
2. ² Dore ia la sang me morsued akan, o kotin sauasa ia sang me inong iong nta.
3. ³ Irail kin masamasan maur i, me kelail akan pokon pena ong ia, a sota dip ai, o sota me sued kot, me i wiadar, Maing Ieowa.
4. ⁴ Irail tang pena o kaonopada, a sota dip ai. Kom kotin opada wasa, o kotin ieiang ia, o irerong mepukat.
5. ⁵ Maing Ieowa, Kot Sepaot, Kot en Israel, kotin opada wasa, o kotin kadeikada men liki kan karos. Kom der maki ong amen ir, me kin wia dip ni ar aklapalap. Sela.
6. ⁶ Nin sautik re kin puredo ngungung dueta kidi kan, o re kin tangatang sili nan kanim o.
7. ⁷ Kom kotin mangi, re kin lidelidu mongin; kodlas kan mi pan kilin au arail: Is me pan rong?
8. ⁸ A komui, Maing Ieowa, pan kotin kiparamat kin irail, o kom pan kotin kalis irail la.
9. ⁹ Kele pa i, i pan rukila re omui. Pwe Kot pere pa i.
10. ¹⁰ Kot kin kotin kasale ong ia melel a kalangan; Kot kin kotin wiai ong ia, i en peren kida ai imwintiti.
11. ¹¹ Kom der kotin kame ir ala, pwe nai aramas akan pan monokela, a kotin kamueit ir pasang ki omui mana, Ieowa pere pat, kasapoke ir ala.
12. ¹² Dip eta lokaia en kilin au arail; i me re pan lokidi ni ar aklapalap; pwe re kin lokaia lalaue o likam eta.
13. ¹³ Kom kotin kawe ir ala o der maki ong ir; kawe ir ala, pwe ren solar meakot, ap asa, me Kot kotin kaunda kadaudok en Iakop o sap karos. Sela.
14. ¹⁴ Nin sautik re kin puredo ngungung dueta kidi kan, o re kin tangatang sili nan kanim o.
15. ¹⁵ Re kin tangatang sili rapaki kan ar manga, ap lipaned, ma re sota pan medila.
16. ¹⁶ A i pan kauleki duen omui manaman, o ni mansang i pan kapinga omui kalangan, pwe komui pere pa i o ai paip ni ran en ai apwal.
17. ¹⁷ I pan kauli ong komui ai paip, pwe Kot pere pa i o ai Kot kalangan.