시편 85편 폰페이어

1. ¹ MAING Ieowa, kom kotin maki onger sapwilim omui sap mas o, o kom kotin dorelar salidi en Iakop akan.
2. ² Re kotin lapwadar me sued en sapwilim omui aramas akan, o kom kotin pwaidier dip arail karos. Sela.
3. ³ Komui kotin kadukiedi omui ongiong karos, o kotin wukidoki wei sanger omui ongiong melel.
4. ⁴ Kom kotin purong kamait kit ala, komui Kot at saunkamaur, o kotin katukiedi omui sokalangan ong kit.
5. ⁵ Kom pan kotin ongiongi kit kokolata? Omui ongiong pan duedueta sang en kainok lel eu?
6. ⁶ Kom sota pan kotin purong kamaur kit da, pwe sapwilim omui aramas kan en peren kin komui da?
7. ⁷ Maing Ieowa, kom kotin kasansaleda ar kalangan ong kit, o sauasa kit!
8. ⁸ I men rong, da me Kot Ieowa pan kotin masani; pwe a pan mamasani duen muei mau ong sapwilim a aramas o me lelapok kan, pwe ren der lodi ong me pweipwei.
9. ⁹ Melel, a sauas me koren iong ir, me masak i, pwe a lingan en mi nan sap atail.
10. ¹⁰ Kalangan o melel pan tu pena, pung o muei mau en metik pena.
11. ¹¹ Melel pan wosada sang nan sap o, o pung pan ireredo sang nanlang.
12. ¹² Ieowa pil pan kotikido me mau, pwe sap atail en kida wa kan.
13. ¹³ Pwe pung pan ti ong mo a, o a kak akan pan wiala al arail.