시편 90편 폰페이어

1. ¹ MAING, kom me kotin nekid pat sang eu kainok ong eu.
2. ² Mon nana kan o sappa, o aude pan sappa a wiauiada, Kot kotin mia, sang mas kokodo o pil kokolata soutuk, Maing Kot.
3. ³ Kom kin kotin kapurelang pwel par aramas akan o kotin mamasani: Puredo komail aramas akan!
4. ⁴ Pwe par kid dueta aio me samalar mon silang omui o rasong masamasan eu ni pong.
5. ⁵ Kom kin kotin kapwil irail wei, re rasong mair, dueta rä, me kin mongedi madang.
6. ⁶ Me kin masel pasang ni mansang, a nin sautik a pan palepaledi o mongedi.
7. ⁷ Omui ongiong me se kin sosore kidi, o omui ongiong melel, me se kin mekila madang.
8. ⁸ Pwe kom kotin kasansale ong pein komui dip at akan, o dip at rir akan nan marain en silang omui.
9. ⁹ I me at ran akan karos kin tang weiki omui ongiong, at par akan rasong kasoi pot.
10. ¹⁰ Warain at maur me saunpar iseisok, a ma re toto, a pan waleisok, a ma me kasampwal, a pan apwal o dodok. Pwe a kin tang wei madang, dueta kit kin pir wei.
11. ¹¹ A is me kak dedeki mana en omui ongiong, o is me kin masak ongiong wet?
12. ¹² Kom kotin padaki ong kit, me kit pan mela, pwe sen lolekong kila.
13. ¹³ Maing Ieowa, kom kotin purong wukedoke dong kit; arai da omui ongiong? Kom kotin maki ong sapwilim omui ladu kan!
14. ¹⁴ Kom kotin kadire kin kit ala ar kalangan ni mansang, kit ap pan kaping o pereperen arain at maur.
15. ¹⁵ Kom kotin kaperen kit da murin at kalokoloker, o murin at kamekam warai.
16. ¹⁶ Kom kotin kasale ong sapwilim omui ladu kan omui wiawia kan, o omui wau ong na seri kan.
17. ¹⁷ Ieowa at Kot, en kalangan dong kit o kotin kapwaiada dodok en pa at akan re at; ei kom kotin kapwaiada dodok en pa at akan!