시편 96편 폰페이어

1. ¹ KAKAULEKI ong Ieowa kaul kap pot, sap karos en kakauli ong Ieowa!
2. ² Kakaul ong Ieowa o kapinga mar a; padapadak sang eu ran lel eu duen a maur!
3. ³ Kasokasoi ong men liki kan wau i, o ong wei kan a manaman akan!
4. ⁴ Pwe Ieowa meid lapalap o meid kapingan, o meid kalom mon kot akan karos.
5. ⁵ Pwe Kot en aramas akan me mal a Ieowa kotin kapikadar lang akan.
6. ⁶ Wau o lingan mi mon silang i, manaman o lingan kin kadirela nan tanpas a im saraui.
7. ⁷ Komail men liki kan, ki ong Ieowa, ki ong Ieowa lingan o manaman.
8. ⁸ Komail ki ong Ieowa lingan en mar a; komail ko dong mon sapwilim a pera saraui iangaki kisakis.
9. ⁹ Komail kaudoki ong Ieowa ni omail kapwat saraui, toun sappa karos en masak i.
10. ¹⁰ Komail kaireki ong men liki kan: Ieowa ta Nanmarki! Pil sappa me tengeteng o sota pan mokimokid. A pan kotin kaunda kainok kan ni tiak pung.
11. ¹¹ Lang en peren kida, o sappa en popol; madau en ngirngirsok o audepa!
12. ¹² Sap en pereperen o audepa karos, o tuka en nan wel karos en ngisingis.
13. ¹³ Ong Ieowa, ni a kotido, ni a kotido, en kadeikada sappa. A pan kotin kaunda sappa ni tiak pung, o kainok kan ni a melel.