고린도후서 3장 폰페이어

1. ¹ A IADUEN kit pil kaindandeki pein kit? De ngai me mau ong kisin likau en kaping ong komail de sang komail?
2. ² At kisin likau komail, me intingidi ong nan mongiong it, me aramas akan karos kin asa o wadok.
3. ³ Pwe komail sansaleda, me komail kisin likau en Kristus, me wiauier re at ni at papa, me kaidin intingidier ki ingk, a Ngen en Kot ieias; pil kaidin pon slet takai, pwe slet uduken en mongiong akan.
4. ⁴ Iei atail kaporoporeki Kristus mon Kot.
5. ⁵ Pwe kaidin udan at koiok, me se kak lamelameki meakot, me tapi sang pein kit, pwe at koiok tapi sang ren Kot,
6. ⁶ Me pil kotin kaiane kin kit, en papa en inau kap kaidin inau, me intingidier, a inau en ngen. Pwe inting kin kamela, a ngen kin kotin kamaureda.
7. ⁷ A ma dodok en mela, me intingidier nan pali en takai, me lingan, pwe seri en Israel akan sota kak kilang silang en Moses, pweki lingan en silang i, a lingan wet eu, me pan soredi,
8. ⁸ Daduen, dodok en ngen a sota pan lingan sikida sang?
9. ⁹ Ari, ma dodok en kadeik o me lingan, nan melel kaualap, dodok en pung me lingan melel.
10. ¹⁰ Pwe men moa me kalinganadar sota kak paroki ong lingan wet.
11. ¹¹ A ma lingan mia ren me pan sorela, iaduen wan lingan en me pan mimieta!
12. ¹² Ni at kaporoporeki mepukat, kit kin aima melel.
13. ¹³ O kaidin dueta Moses, me pera kila likau eu silang i, pwe seri en Israel akan ender kilang imwi en me pan nikila.
14. ¹⁴ A mongiong arail me kapitakailar. Pwe lao lel ran wet pera o mimieta ansaun ar wadawadok inau maring; ari, pera o me saroka sanger ren Kristus.
15. ¹⁵ A lao lel ran wet ni arail wadawadok Moses, pera mimieta mon mongiong arail.
16. ¹⁶ A ma re pan wuki ong Kaun o, pera o pan saroka san.
17. ¹⁷ Kaun o iei Ngen, a wasa me Ngen en Kaun kotikot ia, nan i wasan maio.
18. ¹⁸ A kitail karos, me mas atail so perapa, kin ududial lingan en Kaun o, ap wuki ong ni mom ota o kakairida ni lingan pweki Kaun iei Ngen.