고린도후서 6장 폰페이어

1. ¹ KIT men sauasa kai, men panaui komail, pwe komail de ale mal mak en Kot.
2. ² Pwe a kotin masani: I rong uk er ni ansau mau, o ni ran en kamaur I katoi uk adar. Kilang ansau wet ansau mau; ansau wet ran en kamaur.
3. ³ Kit sota kadipikelekel ong meakot, pwe at koa dodok ede kalok sued.
4. ⁴ A ni meakaros kit kin wia sansal en papa en Kot akai: Ni kanongama melel, ni kamekam, ni paiio kan, ni kamasak kan,
5. ⁵ Ni wokwok, nan imateng, ni moromorong, ni dodok, ni masamasan, ni isesol.
6. ⁶ Ni makelekel, ni lolekong, ni lolin, ni kadek, ni Ngen saraui, ni limpok melel,
7. ⁷ Ni masan melel, ni manaman en Kot, ki tatan mauin en pung pali maun o pali maing,
8. ⁸ Ni kaka, o sokaka, ni kalok sued, o kalok mau, dene kaweid sapung, ari so, me melel,
9. ⁹ Dene pasase, ari so, kit me indand; koren iong mela, a kilang kit memaureta; me kin kamekam, ap sota kamela,
10. ¹⁰ Ni insensued, ap pereperen ansau karos, me samama, ap kakepwapwala me toto, sota at meakot, ap aneki meakaros.
11. ¹¹ Men Korint, au at ritidang komail, o nan mongiong it me laudi ong komail.
12. ¹² Kaidin me tikitik deu ’mail nan mongiong it, a mongiong omail me tikitik.
13. ¹³ I kin padaki ong komail dueta ong seri kan, pwe komail en pil wiai ong ia dueta, o kalaudela nan mongiong omail.
14. ¹⁴ Komail ender paroki ong me so poson akan, pwe iaduen, pung kak minimin ong sapung? De marain pan kak waroki ong rotorot?
15. ¹⁵ De iaduen Kristus o Pelial ara kak parok pena? De da pwais en me poson ren me soposon?
16. ¹⁶ De tanpas en Kot pan kak pat ong ani mal akan? Pwe tanpas en Kot ieias iei komail, duen Kot kotin masanier: I pan kauson re ’rail o daudaulole irail, o Ngai pan arail Kot, a irail pan nai aramas akan.
17. ¹⁷ Komail ari muei sang irail o katoror sang pein komail, me Kaun o kotin masani, o ender doke me kasaut kot, Ngai ap pan apwali komail,
18. ¹⁸ O I pan Sam omail, o komail pan nai ol o li akan, me Kaun lapalap kotin masani.