데살로니가전서 3장 폰페이어

1. ¹ I ME se solar kak nenen la, pwe se maukida kelepala nan Aten,
2. ² Ap kadar wong komail Timoteus ri atail o papan Kot ni rongamau en Kristus, pwen katenge komail o kamait komail la iran omail poson.
3. ³ Pwe sota amen en luet kila kamekam wet, pwe pein komail asa, mepukat kileledier ong kitail.
4. ⁴ Pwe ni at mimi re omail, se kokopki dong komail kamekam; duen a pwaidar o duen me komail asa.
5. ⁵ I me i solar kak nenenla, a i ilakila, pwe i en asa, duen omail poson, ma men kasongesong so kasongesong komail, o ma at dodok sota pan dodok mal.
6. ⁶ A metet ni en Timoteus pwara dong kin sang re omail, o padaki ong kit rong mau duen omail poson o limpok, o duen omail tamataman kit ansau karos, o duen komail men kilang kit, i dueta kit kin inong iong kilang komail.
7. ⁷ Ri ai kan, kit ap kamait kilar komail ni at kamekam o apwal akan ki omail poson.
8. ⁸ Pwe ansau wet kit maureda, ma komail poden tengedi ong Kaun o.
9. ⁹ Pwe ia danke me sen dankeki Kot pweki komail, me pan ras ong peren, me se peren kida mon Kot ki komail?
10. ¹⁰ Se kin poden kapakapa kin komail ni pong ni ran o ngidingidiki, sen kilang mas omail o kaunsokala omail poson.
11. ¹¹ Ari, pein Kot, o Sam atail, o atail Kaun Iesus en kotin kalua kit wong komail.
12. ¹² A Kaun o en kotin kangedere komail la o kalaudela omail limpok nan pung omail o ong amen amen dueta kit ong komail.
13. ¹³ O kotin katengeteng mongiong omail pwen mau melel, ni saraui mon Kot o Sam atail ong ni ran en atail Kaun Iesus, me pan kotido o sapwilim a saraui kan karos iang i.