디모데전서 4장 폰페이어

1. ¹ A NGEN me kotin kokop melel, ni imwin kaua akai pan pupe wei sang poson, ap id wuki ong ngen widing o padak en tewil akan,
2. ² Me kin sansale mau ki liki, ap likilikam o insen arail kakaluakalar ki kisin mata karakar.
3. ³ Re kin inapwiedi kapapaud, o dene ren liki sang song en manga, me Kot kotin wiadang irail, me danke, o poson, o dedekila melel o.
4. ⁴ Pwe audepa karos, en Kot me mau, o sota meakot me mal, ma aramas pan tungole ap danke.
5. ⁵ Pwe a pan kasaraui kila masan Kot o kapakap.
6. ⁶ Ma koe pan padaki ong ri atail akan, koe ap pan papa en Kristus Iesus mau amen, me kin keleki masan en poson o padak mau, me koe dadaureta mau lel met.
7. ⁷ A koe en kang kasoi likam en li laud akai o kaianeki pein uk me kon ong Kot.
8. ⁸ Pwe kaiane kin uk pali war, a sota non katepa, a meid mau paieki Kot ni meakaros, pwe iei kaporopor en maur et o pil maur kokodo.
9. ⁹ Nan melel kasoi pot et o a war ong kitail en apwaliela.
10. ¹⁰ Pwe iet me se kin dodok ong o kalokolokki, at kaporoporeki Kot ieias, me Saunkamaur en aramas akan karos, a mas ong irail me poson.
11. ¹¹ Mepukat koe en katitiki o kaukaweweki.
12. ¹² Sota amen me pan mamaleki om manakap, a wiala men kaalemongi ong saulang kan, ni om lokaia o wiawia kan, o limpok, o poson, o makelekel.
13. ¹³ O nantiong wadok, o panaui, o padak lao i pan pwar wei.
14. ¹⁴ Der kasamal la pai en mak o, me koe aleer ki deideikop o ni en saunkoa kan ar pwil pa ar po om.
15. ¹⁵ Koe en podidi o sopisokki mepukat, pwe om lolekong en sansal ong karos.
16. ¹⁶ Kalaka pein uk o padak o, tengedi ong song pukat, pwe ma koe pan wiada due, koe ap pan dorela pein uk o pil, me kin rong uk.