요한일서 1장 폰페이어

1. ¹ ME kin mia sang ni tapi o, me se rongadar, me se kilang kier pein mas at, me se ududialer, o me pa at dokeer, iei masan en maur;
2. ² O maur sansaledar, o se kilanger, o kadede, o padaki ong komail maur soutuk, me kotikot ren Sam, a ap sansal dong kitail.
3. ³ Me se kilanger, o ronger, iei me se pil katitiki ong komail, pwe komail en pil waroki ong kit. A kitail waroki ong Sam o Sapwilim a Iesus Kristus.
4. ⁴ Mepukat se intingiedi, pwe at peren en unsokala.
5. ⁵ A ietet padak, me se rong sang i, ap katitiki ong komail: Kot marain eu, o sota man rotorot mi re a.
6. ⁶ Ma kitail inda, me kitail waroki ong i ap weweid ni rotorot, kitail kin likam, ap sota wia melel.
7. ⁷ A ma kitail weweid ni marain, dueta i me kotikot ni marain, kitail warok penaer, o ntan Iesus Kristus sapwilim a Ol kamakele kitail sang ni dip karos.
8. ⁸ Ma kitail inda: Sota dip atail, kitail piti pein kitail, o melel sota mi re atail.
9. ⁹ A ma kitail weokada dip atail, i me melel o pung, en makeki ong kitail dip atail o kamine sang me sapung karos.
10. ¹⁰ Ma kitail inda: Kitail sota wiadar dip, kitail kalikame i, o a masan sota mi re atail.