요한삼서 1장 폰페이어

1. ¹ IET ngai me laud o ranamau wong Kaius kompok, me i kin pokopoke melel.
2. ² Kompoke pa i, i kin men, koe en pwaida o roson ni wiawia karos duen ngen om me pwaida.
3. ³ Pwe i peren kida kaualap, ri atail oko lao pwarado, katitiki ong ia duen om melel o duen om kin alialu wei ta ni melel.
4. ⁴ Sota ai peren me lapa sang met, ni ai rong duen nai seri kan, me kin alu wei ta ni melel.
5. ⁵ Kompoke pa i, me mau, me koe kin wiai ong ri atail o pil men kairu kan,
6. ⁶ Me katitiki ong momodisou duen om limpok; me mau, ma koe pan sauasa irail, duen me kon ong Kot.
7. ⁷ Pweki mar a re kin koko wei ta, sota tungole meakot ren men liki kan.
8. ⁸ I me kitail en sauasa song due met, pwe kitail en wia sauas pan melel.
9. ⁹ Meakot i intingki wonger momodisou, a Diotrepes me akasaumas ong irail, sota duki ong kit.
10. ¹⁰ Ari, i lao pwara wei, i pan katamanki i a wiawia kan, me a kin wiada, pwe a kin lokaia sued duen kit. A kaidin i eta, pwe pein i sota kin kasamo ri atail ko, ap pil inapwiedi, me kin men apwali ir, o kasapok ir ala sang nan momodisou.
11. ¹¹ Kompoke pa i, der idauen me sued a me mau. Me kin wia me mau, me sang ren Kot, a me kin wia me sued, sota kilanger Kot.
12. ¹² Demetrius indand ren amen amen o pil ni melel. O kit pil kadededa, a koe asa, me at kadede me melel.
13. ¹³ Kasoi toto me mi re i, me i kak inting wong uk, a i sota men intingki ink o men inting.
14. ¹⁴ A i kaporoporeki, me koren, me i pan kilang uk, kita ap pan kasokasoi pena.
15. ¹⁵ Popol en mi re om. Kompok kan kin ranamau wong uk. Ranamauieki kompok kan mar arail.