디모데전서 2장 쇼나

1. ¹ Naizvozvo kutanga pazvese ndinokurudzira kuti mikumbiro, minyengetero, kureverera nekupa kuvonga zviitirwe vanhu vese;
2. ² pamadzimambo nevese vari panzvimbo dzakakwirira kuti tirarame upenyu hwerugare nerunyararo pakunamata Mwari kwese nerukudzo;
3. ³ nokuti izvi zvakanaka uye zvinogamuchirwa pamberi paMwari Muponesi wedu,
4. ⁴ uyo anoda kuti vanhu vese vaponeswe uye vasvike pakuziva chokwadi.
5. ⁵ Nokuti kuna Mwari umwe, nemurevereri umwe pakati paMwari nevanhu, ndiye munhu Kristu Jesu,
6. ⁶ wakazvipa iye kuva rudzikunuro rwevese, chive chapupu panguva dzakafanira,
7. ⁷ icho chandagadzirwa ini kuva muparidzi nemuapositori (ndinoreva chokwadi muna Kristu, handitauri nhema), mudzidzisi wevahedheni parutendo nechokwadi.
8. ⁸ Naizvozvo ndinoshuva kuti varume vanyengetere panzvimbo dzese, vachisimudza maoko matsvene, pasina kutsamwa nekupikisana.
9. ⁹ Saizvozvowo vakadzi vazvishongedze nezvipfeko zvakafanira, vane kunyara nekuzvidzora, kwete nevhudzi rakarukwa, kana goridhe, kana maparera*, kana nguvo dzinodhura,
10. ¹⁰ asi, zvakafanira vakadzi vanoti vanoshumira Mwari, nemabasa akanaka.
11. ¹¹ Mukadzi ngaadzidze mukunyarara nekuzvininipisa kwese.
12. ¹² Asi handitenderi mukadzi kuti adzidzise, kana kuti ave nesimba pamusoro pemurume, asi ave mukunyarara.
13. ¹³ Nokuti Adhamu wakatanga kuumbwa, tevere Evha;
14. ¹⁴ naAdhamu haana kunyengerwa, asi mukadzi anyengerwa wakava mukudarika,
15. ¹⁵ asi achaponeswa kubudikidza nekubereka vana, kana vachirambira murutendo nerudo neutsvene pamwe nekuzvidzora.