시편 34편 폰페이어

1. ¹ I PAN kapinga Ieowa ansau karos; au ai pan kapinga i kokolata.
2. ² Ngen i en suaiki Ieowa, me luet akan pan rong, ap peren kida.
3. ³ Komail iang ia kapinga Ieowa, pwe kitail en wiaki eu, kalangada mar a.
4. ⁴ Ni ai rapaki Ieowa, a kotin sapeng ia, o dore ia la sang nan ai masak karos.
5. ⁵ Me kin ariri i, pan kakelada, o mas arail sota pan namenokala.
6. ⁶ Ol luet men et lao likwir, Ieowa ap kotin erekier o dorela i sang nan a apwal akan karos.
7. ⁷ Toulang en Ieowa kotikot ren me lan i o kotin sauasa ir.
8. ⁸ Komail song o kilang duen kalangan en Ieowa! Meid pai, me liki i!
9. ⁹ Lan Ieowa sapwilim a saraui kan! Pwe me kin lan i, sota pan anane meakot.
10. ¹⁰ Laien pulepul akan lekila o men mangada, a me kin rapaki Ieowa, sota pan anane meakot.
11. ¹¹ Sama ko, komail kodo re i, rong ia, i pan padaki ong komail duen lan Ieowa:
12. ¹² Is me inong iong maur warai, o is me mauki ran kaselel akan?
13. ¹³ Pere sang mesued lo om o kilin au om, pwe re der kotaue.
14. ¹⁴ A muei sang mesued, ap wiada me mau, rapaki popol ap dadaurata.
15. ¹⁵ Silang en Ieowa mamangi me pung kan, o karonga ereki ar likwir;
16. ¹⁶ A silang en Ieowa kin palian ir, me kin wia mesued, pwen kawe ir ala sang nan sappa.
17. ¹⁷ Irail kin likwir, Ieowa ap kotin mangi ir o kotin sauasa ir sang ni ar apwal akan karos.
18. ¹⁸ Ieowa koren iong ir, me mongiong arail arail olar, o kotin sauasa ir, me ngen arail olar.
19. ¹⁹ Kalokolok toto lel ong me pung kan, a Ieowa kin kotin sauasa ir sang nan mepukat karos.
20. ²⁰ A kotin sinsila kokon akan karos, pwe eu ender tip pasang.
21. ²¹ Me sued kot pan kamela mo doo sang Kot akan, o me kin kailonki me pung kan, pan kalokolok.
22. ²² Ieowa kin kotin dorela ngen en sapwilim a ladu kan, o karos me liki i sota pan kalokolok.